Gran musico tocado di steelpan Tico Kock a fayece

ORANJESTAD (AAN): Net riba Dia di Musiconan, diripiente den oranan di mainta e musiconan local a bay den luto,

como cu un di e gran musiconan di Aruba, conoci pa su talento multifacetico, y principalmente como tocado di steelpan, a bay fayece.

   Ta trata aki di Tico Kock, kende ta hopi conoci pa su sonrisa natural y constante ora cu e ta tocando y entretene publico sea den Carnaval, of riba steelpan pa e turistanan cu ta disfrutando di un cena na restaurant, of evento riba beach.

   Francisco Albertico Kock cu su nomber di cariño Tico, a nace dia 4 di Maart 1959 pues tin 65 aña di edad.  Semper tabata wordo considera como un berdadero galan, cu un conocemento amplio di musica.

   Bo ta mire semper ta toca riba su steelpan cu hopi energia, y cu precision y tonada cu ta casi laga e bari ‘papia’ mes.

   Awor si su musica a bay den silencio, pero lo wordo recorda den curason di tur su coleganan, fanaticonan, famia-, y conocirnan.  Palabra di condolencia na famia pa cu fayecimento di Tico Kock.