Gobernador Boekhoudt a entrega condecoracion na Gerrit H. Griffith

ORANJESTAD (AAN):  Den cuadro di e Ocasion General die 2021 casi tur condecorado Arubiano a ricibi nan Condecoracion Real riba 30 di April ultimo.

Diabierna tabata asina agradabel pa señor Gerrit H. Griffith y su esposa tambe. Durante oranan di mainta, Gobernador di Aruba, Alfonso Boekhoudt a haci entrega di e condecoracion na señor Griffith na Cas Ceremonial di Gobernador den cuadro di su nombramento como Lid in de Orde van Oranje-Nassau.          Na April ultimo señor Griffith no por tabata presente na e lintjesregen na Aruba Marriott Resort.     Señor Griffith a ricibi e Condecoracion Real debi na su contribucion na diferente actividad caritativo na Aruba manera entre otro Fundacion Ban Uni Man Pa Cria Nos Muchanan y pa su contribucion na lantamento di y trabaonan pa Divi Impact Foundation for di 2010.

Potret: © Kabinet Gouverneur Aruba