Gobernador Boekhoudt a bishita Kabinet di Aruba

ORANJESTAD (AAN): Gobernador di Aruba Alfonso Boekhoudt a haci riba Diahuebs un bishita oficial na Kabinet di Aruba.

Gobernador Boekhoudt a keda ricibi pa director Joselin Croes LL.M/M.Sc y personal di Gabinete di Aruba.

   Gobernador di Aruba a worde acompaña pa director di Gabinete di Gobernador Laurens Warnink y ayudante di Gobernador Frank Plomp.

   Gobernador di Aruba ta na Hulanda pa un bishita di trabao. Gobernador Boekhoudt entre otro lo presencia diamars 16 di September e apertura di Aña Parlamentario na Hulanda, mihor conoci como Prinsjesdag. E potretnan ta cortesia di Kabinet di Aruba.