Gabinete AVP-Futuro ta solidario cu comunidad Dominicano

ORANJESTAD (AAN): Como muestra di solidaridad Gabinete AVP-Futuro, diabierna anochi,

tabata presente riba Plaza Juan Pablo Duarte durante un acto solem di Republica Dominicana pa recorda tur esnan cu den forma tragico a perde nan bida den e club nocturno Jet Set.

   “Laso di amistad y amor cu tin entre ambos nacion ta muestra di e liñanan invisibel cu ta uni Republica Dominicana y Aruba” Minister mr. Wendrick Cicilia a remarca durante e acto solem.

   Den momento dificil asina tin cu recuri na palabra y guia di Dios pa duna consuelo. E anochi a conta cu presencia tambe di varios parlamentario y Minister-President mr. Mike Eman cu tambe a expresa su palabranan di pesame n’e comunidad Dominicano residencia na Aruba.

   “Nos isla ta para solidario cu nos rumannan” e premier a expresa na un multitud cu tabatin bandera di Republica Dominicana na man y tabata conmovi p’e tragedia cu a sacudi e nacion Caribense.