Gianaika van der Biezen, director:
ORANJESTAD (AAN)-- Gianaica van der Biezen, director di Fundacion Pa Nos Comunidad, den entrevista cu Matutino DIARIO, a menciona cu tin algun adulto mayor cu no tin entrada,y tambe ta acerca FPNC pa ayudo, pero pa e fundacion nan entrada financiero no ta subi y esey no por cambia pero ta wordo prolonga.
E famianan cu ta ricibiendo ayudo aworaki ta consisti di hende cu ta keda bin y hende cu ta bin nobo. Esaki e fundacion ta evalua tur luna: ken ta drenta y ken ta sali.
FPNC ta sinta semper cu Departamentonan, specialmente cu Asunto Social (DAS), unda cu tin tur e trahadornan social y hunto cu nan, FPNC ta purba haci e miho posibel pa e personanan den necesidad por para riba nan pia.
Gianaika van der Biezen ta mira esaki hopi positivo, pasobra tin cu ta haya bijstand di DAS cu ta haciendo curso, y esaki ta algo extra cu ta brinda na e persona pa e por bira stabil bek. FPNC tambe tin e parti social, y pesey nan tin e proyecto Journey to Success cu ta purba yuda e cliente cu cosnan basico, y nan ta yuda cu trabao boluntario pero tambe tin e tayernan di trabao unda cu nan tambe por haya un trabao y eherce un ofishi cu por genera un entrada.
