ORANJESTAD (AAN)-- Señora Glenda Zavala-Maduro ta compositor di e genero Vallenato, y durante e anochi cu Fundacion Rancho a organiza cu un charla tocante e historia di e canticanan Vallenato,
brinda pa señor Freddy Gonzalez-Subiria, un persona di La Guajira cu a bin Aruba specialmente, pa conta tocante e cultura di Vallenato, un memoria di “Voces Femeninas di Folklore” di cual Zavala-Maduro ta director. Esaki ta e volumen 1 cu “Voces Femeninas del Folklore” a saca.
Tambe a haci entrega na señor Wilber Bejarano, cu tabata e invitado di señora Glenda Zavala, como un di e prome personanan cu a trece Vallenato na Aruba. El a cuminza na Galleronan di Aruba, tabata toca aki, aya, y despues a lanta Vallenato del Caribe, cu awe e tin su propio grupo musical Vallenato.
Señora Glenda Zavala, casualmente, a wordo invita pa Canal Virtual di Valledupar, pa e traha hunto cu e director di e emisora pa asina e bay presencia loke ta e cancionnan inedito di Valledupar, y tambe pa e goza un tiki di e Festival Vallenato y promove “Voces Femeninas” volumen 2.
Zavala-Maduro a comenta cu Voces Femeninas di Folklore ta un grupo cu a nace aña pasa, na Colombia, y nan a pidie pa e ta director di e grupo, cu ta consisti di hende muher so.
