ORANJESTAD (AAN): E entrega oficial di e Rapport Anual pa aña 2022 di ATA a ser haci y a demostra un recuperacion sumamente satisfactorio.
E indicador aki ta mustra cu den 2022 y a logra yega un recuperacion di 118% den Tourism Receipts na 2022 compara cu 2019.
Den e aspecto financiero, e entrada di A.T.A. tabata 16% mas compara cu locual a presupuesta, mientras cu a gasta 17% menos di locual a presupuesta entre otro pasobra a pone un pausa riba diferente actividadnan durante e prome kwartaal di 2022, unda cu Omicron a afecta biahe.
Aruba a introduci un reforma fiscal entrante e aña aki, y pa medio di esaki e.o., e costo di haci negoshi pa a aumenta pa medio di un aumento di BBO.
Pero pa A.T.A. e reforma kiermen tambe cu a habri aña cu un porcion di e toeristenheffing di 7.1% na lugar di 9.5%., mientras cu e toeristenheffing a subi di 9.5% pa 12.5%.
Den bista di e porcion mas abou cu A.T.A. ta ricibi, A.T.A. a prepara diferente amienda di e ley di A.T.A. cu ta importante pa mitiga risico di e cambio aki di e modelo di A.T.A. cu por haci e operacion di A.T.A. uno menos efectivo.
E amienda a worde entrega na Minister di Turismo. Despues di un aña fuerte y prome kwartaal di 2023 fuerte, mester sigui monitorea awor cu situacion lo por ta normalisando.
E ekipo completo di A.T.A. ta worde felicita pa nan trabao y pa e logro aki di por entrega un biaha mas un rapport cu un ‘goedkeurende verklaring’.
