Fraccion di AVP presente na entrega Copa Hubenil Felipe B. Tromp

ORANJESTAD (AAN): Riba Diasabra oficialmente a celebra Dia di Rey na Aruba,

y mainta trempan den Wilhelmina Park na Playa tabatin e celebracion oficial aki, hunto cu entrega di e Copa Hubenil Felipe B. Tromp.

   Miembronan di fraccion di AVP tabata presente na e mainta festivo aki, y hunto cu president Marlon Sneek di Parlamento, kende a haya oportunidad pa dirigi palabra y expresa palabranan di pabien na ocasion di celebracion di cumpleaño di Rey Willem Alexander.

   Asina e miembronan di fraccion a aplaudi e ganador Richard Tromp di 18 aña kende a ricibi Copa Hubenil Gobernador Felipe B. Tromp.  E ta un empresario hoben cu den veranda di cas di mayornan a habri su propio barberia cu 16 aña di edad.  A felicita tambe esnan cu a gana premio di estimulo, esta Kailen Wouters, tambe Arubaanse Padvindsters Gilde (APG), y e hobencita Melaiska Woodley.