FPNA y DOW a cuminsa saca e 'water hyacinth' for di Bubaliplas

Maneho di especienan invasivo --- ORANJESTAD (AAN): Fundacion Parke Nacional Arikok  ta asistiendo departamento di obra publico (DOW)

den a area natural protegi y sanctuario di pahra Bubaliplas cu saca e 'water hyacinth'.

Na 2020, Bubaliplas a wordo asigna como un area protegi pa ley y e maneho di conservacion a wordo traspasa pa FPNA.

DOW, cual ta e autoridad pa maneho di e awa na e localidad aki y tambe cu ta maneha e planta di purificacion, a pidi asistencia di FPNA pa saca e 'water hyacinth' cu urgencia.

Water hyacinth (Eichhornia crassipes) ta un especie di manta aquatico nativo di e area di Amazona. El a wordo introduci na diferente pais y a naturalisa, birando un especie invasivo global.

Aunke e 'water hyacinths' ta bunita pa wak y un tiki di dje por tin su beneficio, ora cu nan tuma por completo un area di e awa, e awa ta bira inaccesibel pa bestia salvahe, e awa ta stop di circula y oxigeno ta caba, y ta forma un area pa cria di sangura.

Mirando cu e metodo di mitigacion aki ta primordialmente manual, e lo tuma algun siman pa por completa e trabou. FPNA ta trahando riba un plan pa mitiga esaki riba un termino largo.

Potretnan cortesia: Facebook Page FPNA