Fort Zoutman-Huis van Bewaring-Korrectie Instituut Aruba

Historia di Prison na Aruba

Cada pais tin su ciudadanonan balente y fuerte y tin den nos tambe hendenan cu pa circunstancia di bida ta cai den situacion contra ley.

Aruba durante su historia conoce solamente tres sitio di prison.

E prome ta Fort Zoutman construi na 1798 pa esclavonan Africano cu murayanan halto y diki, bon cuida pa militarnan arma. Un centro ideal pa un prison pero ta te na 1859 cu a traha celnan (palo) di prison na e parti oost y west di Fort Zoutman.

Un caso basta conoci e tempo ey ta di e esclavo Virginia Dementricia, yiu mujer di e esclavo Maria Theodora, tata tabata desconoci. Tur e esclavonan aki tabata propiedad di Jan van der Biest, un colonista y co gobernador di Aruba.

Virginia tabata rebelde e tempo ey. Virginia tabata desobedece su doño y a horta paña.

Na 1859 Virginia a haya castigo y a pasa 8 dia den cel di Fort Zoutman

( otro edicion nos lo conta un tiki mas)

Na 1928 a bolbe traha 3 cel cu a costa gobierno e tempo ey 4700 florin.

Na 1936 a reemplasa  celnan di palo pa celblok di cement.

Na 1945 a stop di usa Fort Zoutman y a traha Huis van Bewaring na Fergusonstraat, Dakota.

Huis van Bewaring tabata parti di Prison grandi di Curacao y Antiyas y tabata maneha na Aruba pa Mr. Hector.

Mr. Hector cu tabata biba den un cas di gobierno( ambswoning) dilanti e prison na otro banda di caminda.

Na retiro di Mr Hector a nombra e prome Arubiano (1961):  E Polis y Recherche (18 aña di servicio como polis) Leoncio Maduro naci na 1917 como administrador y waarnemend hoofd di Huis van Bewaring. Un mucha homber di San Nicolas casa na Savaneta.

Leoncio Maduro ta fayece cu 47 aña na 1965 y ta nombra Mr. H. Hek pa algun aña y Mr. Nectar tabata su asistente.

Na 1968 ta nombra e ex diputado Isaac S. de Cuba como waarnemend hoofd van Huis van Bewaring.

E tempo ey un hende por keda solamente 8 luna di castigo den Huis van Bewaring y si mester sinta un castigo mas largo mester a bay sinta castigo na Curacao.

Na 1975 ta nombra Mr. M Hoek como wnd director di Huis van Bewaring.

Na 1976 Gobierno Central di Antiyas cu Aruba lo haya un prison nobo.

Hopi disputa durante e tempo ey na unda lo traha e prison nobo. Tabata tin plan pa traha e prison na Shete y Alto Vista.

Na 1984 cinco preso a coba un buraco den muraya di cel y a huy.

Den proceso di buscamento di fugitivo polis ta encontra e fugitivo di inicial B, ta dune orden pa para pero B ta nenga.

Polis ta actua y ta tira B cu consecuencia fatal. E caso aki a sosode cerca di un chickenfarm abandona na Tanki Leendert.

E otro caso pisa tabata di Alvaro Triana

Ta te na 1990 cu Aruba a cera conoci cu KIA, Korrectie Instituut Aruba.

Mr. Hugo Kock tabata e prome Hoofd di Leidings team di KIA na 1990.

Waarnemend Hoofd van Huis van Bewaring

Mr Hector

Mr Leoncio Maduro

Mr Hek

Mr Isaac de Cuba

Mr Hoek

Mr John Hart

Mr Clyve Lacle

Mr John Hart

Mr Fowler/ Mrs Patricia Hassell

Mrs Patricia Hassell 

Fotos: Amigoe di Aruba, Johan Hartog

Texto: Nos Historia Nos Herencia