Evento pa nan clientenan special....
ORANJESTAD (AAN): Un celebracion fenomenal, cu servicio constant di waiter, buffet di tapas habri di comienzo caba, a identifica e anochi cu Marriott’s Aruba Resort & Casino a festeha nan di 30 aniversario den un forma di gradicimento na nan clientenan.
Esaki a socede Diabierna anochi, na e area di beach nan dilanti cu a wordo yama ‘South Beach’, y cu a acomoda perfectamente e invitadonan. Tur hende presente cu nan ‘curated beach look’, a drenta ricibiendo champaña pa brinda na e ocasion memorabel di ta sirbiendo comunidad local y bishitantenan pa seis lustro caba.
E anochi a wordo bon anima door di Buleria y DJ tambe, y tur hende a goza inmensamente di e evento, cu cantidad di stul, sofa, y mesa poni den e area aki cu tabata comodo pa invitadonan. E cherry riba e bolo tabata cu casi na final a inclui un show fenomenal di vuurwerk cu a dura bastante.
Palabra di pabien na e team di mercadeo y benta, y tambe gerencia cu e fantastico evento aki. El a demostra cu Marriott keto bay tin habilidad di organiza fiestanan cu ta keda bon graba den memoria di tur esnan presente.
https://diario.aw/ar/categories/noticia/general/fiesta-fantastico-di-marriott-aruba-resort-pa-nan-30-aniversario#sigProId31f831335a