Autonan di negoshi cu ta uza gasolin por stop di existi na 2025
- Paisnan grandi ta prepara pakete di medida entrante 2024
- Manera DIARIO a adverti biahenan largo y cuminda na peliger
ORANJESTAD(AAN)- E prome confirmacionnan serio di advertencianan di DIARIO na entrada di 2023, a cuminsa mira luz.
Na diferente pais grandi, medidanan pisa ta cuminsa wordo discuti den seno gubernamental.
E medidanan cu ta wordo tuma pa confronta e peligernan cu ta bini cu cambio di clima, por ta mucho mas serio cu te awe hende kier ignora.
Na 2024 e prome medidanan lo wordo introduci na varios pais y sigur lo bay afecta biahenan riba distancia largo pero tambe alimento.
Informacionnan cu DIARIO a ricibi ayera mientras e ta prepara pa cera su edicion ta indica cu ta sumamente importante pa publico tene na consideracion cu e era di consumo a pasa pa pasado y cu mester prepara pa un mundo den cual biahenan largo lo wordo geschrap for di e lista largo actual.
Si tabata sona chistoso cu cuminda cu ta wordo produci den camponan yena cu baca ta na peliger, awor ta bini informacion cu ta papia di introduccion di e belasting special pa e grupo aki na 2024.
Prijs pa biaha lo subi considerabelmente mientras cu mester tene na consideracion cu uzo di autonan cu a haci uso di gasolin y ta wordo usa pa cualkier tipo di negoshi, lo wordo elimina di e lista di loke ta wordo permiti.
Esaki ta nifica cu introduccion di asina yama energia limpi pa entre otro transportacion mester tin mas prioridad mientras tambe mester cuminsa atende cu e forma cu diferente pais ta bay introduci medidanan cu lo afecta vacacionnan y asina turismo.
Sigur islanan mester tene cuenta cu e situacion nobo cu lo wordo tuma ya for di 2024 na diferente pais cu cual Aruba tin contacto directo.
Mientras DIARIO ta prepara informacionnan sumamente importante riba e tereno aki, informantenan experto ta indica cu a bira tempo pa sindicato y comercio tambe cuminsa atende cu e resultadonan aki cu nan miembronan.
Segun ta wordo mustra mester tene cuenta cu pasonan cu lo exigi mas cooperacion den sector priva pa atende cu resultado sumamente importante cu e medidanan aki lo tin pa loke te awor ta wordo considera normalidad den un epoca di consumo cu a surpasa tur normalidad.
