Entiero conmovedor di Atan Lee

ORANJESTAD (AAN): Cu escolta policial cu tur honor y protocol, riba Diasabra a hiba e gran ciudadano Atan Lee pa su ultimo lugar di sosiego. 

Su restonan mortal a reposa prome den Pro-Catedral San Francisco na Playa, unda di trempan caba su famia y amigonan tabata sperando riba su yegada.

   Por a mira varios dignatario, personahenan di clero, comerciantenan conoci, deportista, y tambe esnan cu tabata haya semper e mihor consehonan di Atan Lee, ta duna famia nan condolencia, y mustra nan respet pa e gran yiu di tera.

   Atan Lee tabata un persona hopi activo den gobernacion, den actividadnan social, dunando su debocion na iglesia, y un amigo di tur hende.  Despues su restonan mortal a wordo hiba pa Santana Central di Sabana Basora.  Un dia conmovedor pa tur hende.  Cu Atan sosega na paz, y forza na famia.