Elmar su ‘Electra Discovery Tour pa muchanan’ a bishita Dakota

ORANJESTAD (AAN): Un dia electrificante a tuma lugar na YMCA Dakota,

caminda Elmar a trece un ambiente yen di curiosidad y creatividad pa e muchanan di kids camp durante e Electra Discovery Tour; un experiencia educativo cu ta haci educacion riba electricidad bira un aventura.

   E muchanan a hunga weganan electrico, subi riba un bucket truck, y scucha storianan fascinante tocante trabou riba e red bou di tera. Pa hopi di nan, tabata e prome biaha cu nan por mira di cerca con tecniconan ta traha pa mantene Aruba ilumina.

  E tour no ta solamente un actividad durante vakantie, e ta parti di un mision mas grandi: NV Elmar ta spera cu Electra Discovery Tour lo keda den e memoria di e muchanan y motiva e proximo generacion pa aprecia e balor di energia y explora un carera como electricien y den ingenieria.

   Siguiendo e exito di awe na YMCA Dakota, Electra Discovery Tour lo continua su recorido den mas kids camps rond di nos isla, pa finalmente cera cu un experiencia unico na Elmar Oranjestad.

Masha danki na YMCA Dakota pa invita Elmar.