ORANJESTAD (AAN): Kiwanis Palm Beach Aruba a caba di anuncia nan di 5 edicion di Ride4Kids 2025.
Mirando cu e edicion di ultimo añanan tabata sumamente exitoso, Kiwanis Palm Beach Aruba a habri registracion caba.
E evento di recauda fondo aki lo bay ta Diadomingo 24 di Augustus 2025. E evento anual aki di Kiwanis Palm Beach Aruba ta encera un buelta completo rond di e isla di Aruba ariba bicicleta. Esaki a resulta di ta un manera creativo y innovativo pa recauda fondo pa asina e club por cumpli cu su proposito di yuda comunidad, pero alavez promoviendo un estilo di bida saludabel.
E actividad lo start marduga, esta pa 2:00 am y ta finaliza te mainta, esta 10:00 am. Cada kilometer cu bo core, ta yuda recauda fondo pa mas di 200 mucha den necesidad. Bo ta core bicicleta y haci educacion accesibel pa e muchanan aki. Corda cu tur ganashi lo bay directamente na asisiti e muchanan den comunidad. Corda registra trempan pa bo ta sigur di bo cupo, y pa haya e uniform oficial di e evento.
Esnan cu kier registra pa e Ride4Kids 2025 aki por haci esey na e website:
Comunidad por contribui na e proyecto aki door di simplemente manda un email ariba عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. y menciona cu bo persona kier contribui cu un suma di placa. E committee organizador lo manda un email pa bo persona pa asina bo por formaliza bo donacion door di menciona cua di e miembronan y cu cua suma bo lo kier sponsor.
