Elizabeth tabata ricibi tur bishitante di CATA 2022 cu un regalo di ARUBIANO

ORANJESTAD (AAN): E Conferencia di CATA 2022 ta andando e dianan aki, y tabata hopi agradable pa mira e marca local di ‘ARUBIANO’ cu nan embahadora, Elizabeth Johnson, ta saluda tur bishitante cu yega pa esaki.

   El a actua como un anfitrion pa entrega cada uno, un ARUBIANO Nature Awareness Bag, cu ta ilustra potretnan autentico saca na Aruba.

   E marca ARUBIANO kier a gradici Sr. Molina y Sr . Reyshandrick di Pelican Adventures, como tambe Aruba Tourism Authority pa a permiti nan forma parti di CATA 2022.

   Pelican Adventures a impacta cu su booth cu tur informacion di man tours, sail trips, watersports y mas servicio disponible na Pelican Pier.

    Arubiano local brand ta  orguyoso di por a ofrece e bishitante nan un parti esencial di Aruba cu ta su naturalesa.  Sigur masha pabien na e organizadornan y nos ta semper na disposicion pa promove Aruba.

   Keda pendiente pa Arubiano su items nobo pronto riba mercado.