ORANJESTAD (AAN): E tabata falta djis e Megaball pa por a gana e jackpot grandi.
Pues como cu e tabatin tur cuatro number bon, el a gana di 2ndo premio di sorteo di Mini Mega.
Pesey mes riba Diaranson, Edwin a presenta na oficina di Lotto na Playa pa asina reclama su premio. El a mustra cu e numbernan cu el a cumpra, ta su numbernan vast di dje.
Ora di a scan e barcode di su ticket den e computer, esaki a confirma mesora cu Edwin a gana di dos premio di MiniMega, pa e suma di 11.341 Florin.
Asina mesora a sigui cu e proceso pa transferi e premio electronicamente pa su cuenta di banco. Edwin a mustra cu e ticket ganador el a cumpra na Lucky Spot.
