Franchesca Heinze, director ATHA:
ORANJESTAD (AAN)-- Franchesca Heinze, Director di Asociacion Trabao di Hubentud Aruba (ATHA), den entrevista cu Matutino DIARIO a duna di conoce cu ATHA ta activamente den preparacion, pa su Conferencia “Generation SWAP”.
Franchesca ta extende un invitacion, specialmente pa e hobennan, pa participa den e conferencia y e tayernan di trabao.
“E conferencia aki ta bay ta hopi dushi, nos musica, nos actividadnan, lo tin teatro, tambe lo tin intercambio di conocemento, pues e lo ta un experiencia unico. Si, nos ta bay combersa, intercambia experiencia cu adulto mayor, pero boso energia, boso conocemento y boso ser, lo ta mescos cu adulto mayor, principal den e conferencia aki. Participa, registra, bay riba ATHA su Facebook page y bo ta haya registracion digital”, Franchesca Heinze, director di ATHA, a remarca.
