ORANJESTAD (AAN): Riba Diaranson, Parlamentario Evelyn Wever-Croes a reuni cu Premier Rob Jetten di Hulanda.
Nan a papia di diferente topico. E topico mas importante cu Evelyn Wever-Croes a trece dilanti ta e Rijkswet HOFA.
“Mi a trece padilanti cu Aruba financieramente ta bayendo bon, y cu riba nos mesun forsa a logra baha e debe nacional. Pesey nos no mester di ley di Reino HOFA. Mirando cu e ley di Reino por frena nos crecemento economico, y mirando cu e ta contra nos Constitucion, nos y gran parti di nos Comunidad ta CONTRA e ley,” Wever-Croes a indica.
Premier Jetten a bisa cu nan lo warda e conseho di Raad van State y despues dicidi con lo sigui.
Esaki ta duna Evelyn Wever-Croes speranza. E ta indica cu Partido MEP lo sigui lucha te na final pa defende soberania di Aruba.
