ORANJESTAD (AAN) – Durante e reunion cu Formador Evelyn Wever-Croes, den cuadro di e reunionnan cu stakeholders, señor Stanley Looman di Aruba Financial Center (AFCA),
a referi na e asina yama “Landsverordening voorkoming en bestrijding witwassen en terrorismefinanciering” ( LWTF).
Den e conferencia di prensa despues di e reunion señor Looman a duna su impresion tocante e esaki, y entre otro, el a menciona cu e maneho di e ley di LWFT, ta hopi fuerte y fuera di tur proporcion, y a expresa den e reunion cu Formador, si e ley aki no por ta mas suave y flexible, pa e por trece mas beneficio pa Aruba tambe.
Den e articulo al respecto tabata tin un fout cu nos ta aclarea y pone corectamente. Pues e Ley ta LWTF cu ta nifica “Landsverordening voorkoming en bestrijding witwassen en terrorismefinanciering”.
