ORANJESTAD (AAN): Desde Diamars nan a habri caba den forma di soft-opening, y e trahadornan a keda sorprendi pa e acogida!
Pizza Hut su telefon ta ring cada rato di hende cu ta yama pidi Pizza, y tambe di clientenan cu ta cana drenta e negoshi.
Esey ta algo cu e propietarionan Glenn Croes y Tamara Lacle a nota tambe, y nan ta contento cu e decision tuma pa habri Pizza Hut su negoshi pa take-out y delivery den Bernhardstraat na San Nicolas. E ta alavez con grandi nan confianza ta den economia, principalmente di San Nicolas.
DIARIO tabata presente Diahuebs atardi 5’or na momento di e apertura oficial, y aki gerente Glenn Croes a mustra cu e mes a biba como 200 meter panort di e lugar unda Pizza Hut a habri net dilanti Wema Hardware. El a mustra cu ta for di aña 2004 caba ta canando cu e plan aki pa habri na San Nicolas, pero cada rato tabata bin instabilidad economico, y a dura basta aña buscando e spot adecua y awor e momento a yega pa habri un sucursal.
Stabilidad economico di San Nicolas semper tabata mara na e Refineria, y pesey companianan tabata warda pa e refineria habri prome, pa asina haci algo. Pero esnan di Pizza Hut a dal bay, haci e inversion y sirbi comunidad di San Nicolas mas cerca di cas, pa come nan pizza favorito.
Croes a bisa cu nan tin fe den e comunidad y e ta kere cu awor si San Nicolas tin desaroyo nobo y e ta momento clave pa habri.
E edificio cu nan a bay aden, tabata antes conoci como Autorama y Viana’s Auto Supply cu tabata bende autonan Chrysler y Fiat. Awor Pizza Hut a bira un di e prome negoshinan di cuminda cu ta bin establece su mes eyden.
Croes a indica cu Pizza Hut nobo aki a duna empleo na 14 persona, y awor cu nan Delivery, nan ta entrega pizza fresco na henter region di Pariba di Brug.
Despues di esaki, Glenn Croes hunto cu Miss Universe Aruba 2021, Thessaly Zimmerman a haci entrega na Sr. Fun di Fundacion Ban Uni Man pa Cria Nos Muchanan un donacion di 10.000 Florin. Riba esey por lesa den otro informacion.
{gallery}Pizza Hut na San Nicolas{/gallery}
