E aventura di Kirsten y su bandera di Aruba den stadion na Amsterdam

ORANJESTAD (AAN): E dama local Kirsten Lyneth Conquet-Henricus di Casibari, recien a bay mira wega di wega na Hulanda, entre e team di AFC Ajax vs. RKC Waalwijk.

   Esaki tabata den fin di siman na e stadion Johan Cruijff Arena na Amsterdam.

   Kirsten a drenta e stadion, y tabatin hunto cune e bandera di Aruba.  Ademas di sinta na su asiento, el a dicidi na cana rond ta saca potret na diferente lugar cu su bandera.  E ta orguyoso di su isla, y cu hopi amor pa su bandera.

   El a splica cu ora e ta saca potret cu su bandera, ta hopi hende a acerk’e y puntra ta di cual pais e bandera ta.  E tabata mustra nan su smartphone cu potretnan di Aruba, specialmente e beachnan, y hendenan tabata gusta esey.

   DIARIO ta gradici Kirsten cu a comparti e potretnan, pa mustra cu e stima e isla, y ta feliz di por a asisti na un wega di futbol asina importante, pero tambe di a pone bandera di Aruba na halto den e stadion.