Dr. van der Linden laborando 30 aña pa su pashentnan na Savaneta

ORANJESTAD (AAN): Un persona kende for di hoben a demostra un inteligencia cu a indica sin duda alguno cu e lo bay yega hopi leu den bida. 

Ademas di su amor grandi pa deporte aquatico, Johnny van der Linden a viaha pa exterior pa sigui educa su mes den mundo di medicina.

   Y Diasabra cu a pasa, tabata exactamente 30 aña desde cu el a huramenta como Docter na Aruba.  Esey tabata fecha 29 di Maart 1995, y despues di a firma tur cos, el a cuminza aporta na sector di cuido.

   Distrito di Savaneta ta aprecia nan Docter van der Linden, pa su bon atencion, consehonan directo, y semper bo ta mira e Docter cu un hari riba su cara.  E ta keda yuda su pashentnan cu hopi dedicacion y atencion, y su team di ayudantenan semper ta resalta den esey tambe.

   Pa cortesia di Asociacion HAVA, aki DIARIO ta pone un potret di su huramentacion 30 aña pasa, y e fabuloso bolo cu el a haya pa observa e 30 aña di logro aki.