DOW y Comision 'Aruba Outdoor Amenity Economy' a cuminza Dialuna cu renovacion di Sero Ayo

ORANJESTAD (AAN) – Director di Departamento di Obranan Publico, Ing. Marlon Croes, tabata presente hunto cu Prome Minister y otro invitadonan,

na Sero di Ayo relaciona cu e renovacion di e area natural-cultural aki.

            Esaki ta un di e proyectonan grandi di Comision 'Aruba Outdoor Amenity Economy' cual ta bay ta encarga di guia e proceso pa por fortifica y haci uso di e valornan cu Aruba tin den su naturaleza.

            Minister Presidente Evelyn Wever-Croes a pone e prome baranca na tranche di Sero di Ayo unda ta bay inicia un cambio den su uso. Director di DOW a yama Prome Minister bin dilanti pa pone e prome baranca.