Doñonan di auto no ta nada contento cu Aruparking

ORANJESTAD (AAN): Hopi automobilista a expresa rabia cu loke e personal di Aruparking ta bin ta haciendo, cu tambe,

den nan opinion a crea un situacion hopi peligroso pa e chauffeurnan, door di pega e famoso sticker net meymey di bentana di chauffeur, tapando nan visibilidad, specialmente ora cu nan mester bira wak si tin trafico ta biniendo of simplemente pa tin un bista pa un trafico mas sigur.

   Reportero di DIARIO a combersa cu algun chauffeur cu a haya e sticker pega riba nan auto y algun a bisa cu e problema no ta e uso di e sticker, sino na unda nan ta pega e sticker. Si Aruparking mester pega e sticker, nan por pone na un lugar cu no ta stroba e chauffeur.

  Un di e chauffeurnan afecta a bisa cu el a purba di ranca e sticker, pero esaki tabata pega manera cu 'krazy glue' y no kier a kita pa nada di mundo. E ta haya cu esaki ta un daño na su propiedad y awo e mester busca manera pa kita e sticker.