ORANJESTAD (AAN): Deporte di Rollerskating ta birando hopi popular bek na Aruba,
y ta un placer pa mira con muchanan tambe ta participa. E ta un sorto di entretenimento di pasado, cu ta haciendo un comeback awor den Siglo 21.
House of Skate Foundation ta organiza diferente evento caminda hendenan ta aglomera y core cu rolschaats den zona safe pa henter famia. Nan ta yama esaki ‘House of Skate den Bario’.
Awor cu un donacion generoso di De Palm Tours, esaki nifica cu Rollerskate Aruba lo por bay organisa cinco adicional evento di ‘House of Skate den Bario’. E actividadnan aki ta gratis pa publico, y e donacion ta yuda cubri gasto.
Amantenan di rolschaats y skateboarding ta hopi contento cu e bunita donacion haci door di De Palm Tours.
