ORANJESTAD (AAN): Tabata Diasabra atardi pa 5:20 pm, cu un unidad policial encarga cu vigilancia pa Campamento,
a wordo hiba na beach na Bushiri, como cu un persona lo a herida su mes cu harpun na su braza robez.
Polis a yega y a topa cu e victima di inicial G., y el a splica cu el a bin eynan cu dos amigo pa asina captura pisca. Diripiente un ola grandi a presenta y a dal e fuertemente. Consecuencia di esaki ta cu e harpun identifica como un ‘Fishing Spear Isolated Stock’ a bay dal y perfora e parti na halto di su braza banda robez. Demas miembronan di famia di e victima a confirma cu esey ta loke a socede.
Ambulans a presenta y a transporta e victima G. rumbo pa Servicio di Emergencia na Hospital, pa mas tratamento medico. Na final a pone Central di Polis na altura.
