Docente Arubiano na Hulanda a cana 40 km pa un bon causa

El a stimula 11 docente mas pa participa

ORANJESTAD (AAN): Un fabuloso noticia a drenta procedente di Hulanda, unda a bin haya sa cu un Arubiano tambe a participa den e caminata di Rotterdam pa Den Haag, un ruta di 40 km y conoci como ‘Night of the Refugee’.

   Eduardo Goeloe ta laborando aworaki como docente di Ingles na Willem de Zwijger College na Papendrecht, cu ta situa tiki zuidoost di Rotterdam den provincia di Zuid Holland.

   A resulta cu Eduardo a dicidi na inscribi su mes pa e famoso faminata aki di ‘Night of the Refugee’ y yuda recauda fondo pa esnan cu mester di dje.  Ademas, Eduardo a pensa cu 40 km ta facil, ta djis e tamaño di Aruba cu ta 32 km, plus 8 km extra.

   Den e proceso aki, Eduardo a dicidi na motiva su coleganan docente di Willem de Zwijger College pa nan join hunto y asina forma un team di 12 maestro, y e docentenan aki a recauda mas cu 1.700 euro pa un bon causa.

   Segun Eduardo, ta un orguyo di bin di un isla y motiva Hulandesnan pa cana distancianan asina largo como 1 team pushando otro yega e finish line.

   DIARIO a compronde di Eduardo, cu el a yega e Finish Line net riba Dia di Tata, y el a dedica e careda aki na su tata, Mario Goeloe.

   E team di scol cu a participa na e caminata aki tabata Eduardo Goeloe, Robert Bettenbroek, Jordy Spelt, Caroline Oudeman, Caspar van Eerden, Raymond Bandell, Mascha Claessens, Henriët Rietveld, Marjola Vernooij, Joyce Aleven, Kirsten Bubbert, y Ferry Blangé.