Diamonds International a habri un localidad nobo na Paseo Herencia

ORANJESTAD (AAN): Diasabra cu a pasa, Diamonds International orguyosamente a celebra e apertura di nan tercer tienda na Aruba den Paseo Herencia.

   DIARIO tabata ey y a mira presencia di hopi hende mes y invitado special, cu a bin mira e evento.  E anochi tabata yena di entusiasmo mientras e directornan di organizacion local hunto cu invitadonan special Minister Xiomara Maduro, Minister Endy Croes y Minister Ursel Arends a corta e sinta cora pa asina oficialmente inaugura e tienda nobo na Paseo Herencia.

   Diamonds International, e aña aki ta celebra 30 aña na Aruba y a dicidi di expande den e area di Palm Beach. Nathalie van Trikt, como Regional Marketing Manager, a vocifera e bentaha di habri un tienda den Paseo Herencia. Nan ta habri te oranan laat di anochi y ta habri riba diadomingo.

   Bishita Diamonds International den Paseo Herencia pa nan diamantenan y coleccion di joyanan luhoso y renombra.