ORANJESTAD (AAN) Den entrevista cu DIARIO, Francis Quandt, di Departamento Tecnico di Inspeccion (DTI),
Hefe di Seccion di Keurmento di vehiculo di motor, a duna di conoce cu despues di control Cuerpo Policial (KPA) cu DTI, e cifranan pa afspraak pa control a aumenta, y den tres pa cuater dia a yega 700 cita. El a bisa cu e cifra aki no ta normal pasobra den pasado tabata hopi menos, pero despues di e control di KPA a subi masha.
Keurings Lokaal ta prepara pa e fluho cu di auto pa keur cu lo presenta, debi cu KPA lo sigui cu e control sin stop, y si tin emergencia nan lo keur e vehiculo di biaha. Mayoria di auto cu no a wordo gekeurd a yega na Keurings Lokaal, y loke mas a hala atencion di e tecniconan ta e vehiculonan tipo pick up, pasobra nan nan mester wordo controla tur aña cu excepcion di esnan nobo, cu ta haya tres aña liber. Pero esnan cu nan control a vence mester hacie tur aña. Esnan cu no ta presenta ta UTV, y DTI ta bezig pa verifica e datonan di e “persoons vervoer” pero, aunke e no a caba cu esaki ainda, e por bisa cu e cifranan ta alarmante.
Pronto DTI, como parti di e comision, lo sinta hunto cu DTP, DIMP, KPA y apart cu DTP mes. Quandt a menciona cu Keurings Lokaal nan ta draai e cartanan cu un luna anticipa, pa e vehiculonan cu mester bin keur aki un luna.
