ORANJESTAD (AAN): Diahuebs durante e Sportdag organisa na Colegio San Antonio MAVO na Santa Cruz,
directiva a crea espacio pa Famia Planea duna un presentacion di nan proyecto “Ami ta dicidi”.
Di e forma aki nos ta informa y ekipa nos alumnonan cu informacion corecto pa asina nan por tuma e mihor decision den futuro! Masha danki na Famia Planea Aruba!
Tambe tabatin espacio pa Polis di Bario duna charla na nos alumnonan riba e medida actual di KPA cu ta “Faya bo Haya”. Esaki ta specialmente importante pa tur alumno cu ta participa na actividadnan di carnaval manera entre otro e Parada Escolar di mañan. Palabra di danki pa agentenan Besselink y Maduro pa nan tempo y dedicacion.
