ORANJESTAD (AAN): Departamento di Salud Publico ta enfatisa cu pa por ricibi e prome vacuna contra COVID ta necesario pa traha un cita.
Pa ricibi prome vacuna no por walk-in. E cita por wordo haci riba Aruba Health App, riba www.dvg.aw of via telefon na 2800101- 522-4200, 522-4210, 522-4211, 522-4214.
Unicamente pa ricibi di dos vacuna por walk in entre 8:30 cu 11:30 di mainta y atardi entre 1:30 cu 3:30.
Departamento di Salud Publico ta pidi comprension pa cu e proceso di traha cita y vacunacion. Nan lineanan di telefon ta hopi ocupa cu yamada henter dia y nan capacidad di vacunacion ta maximo 400 persona pa dia.
Pa bo cita yama of haci esaki online y keda pendiente pa un cita. Na esnan cu ya a solicita un cita ta pidi pa keda pendiente pa ricibi esaki.
