Defensa Hulandes ya a cuminza prepara pa temporada di Horcan

ORANJESTAD (AAN): Awe 1 di Juni 2021 ta oficialmente e comienzo di Temporada di Horcan 2021. 

   Pa Defensa Hulandes den Caribe, e preparacionnan pa e temporada di horcan a cuminza tambe.

   Recien nan a tene un ehercicio pa asina con nan ta traha cu e logistica di pone equipo, si acaso nan tin di sali rumbo pa un otro isla.

   Tur aña Defensa Hulandes ta haci un ehercicio asina pa asina duna sosten si acaso tormenta pisa azota un isla, y asina sostene autoridadnan local den e prome fase net despues di un horcan.

   Tanto via aereo como tambe riba lama, nan ta train con pa transporta unidadnan rumbo pa islanan ariba.