Debi cu algun vak a wordo reparti den tijdvak ainda no por duna resultado concreto di Maria College MAVO

ORANJESTAD (AAN): Diahuebs atardi a tuma lugar na Maria College MAVO, e momento cu tur e alumnonan den klas di Examen, ta haya sa si nan a gradua pa e 1e Tijdvak of no.

   Edmond de Cuba, Director interino na Maria College MAVO a bisa cu debi na e pandemia a bin cu regla nobo unda alumnonan por escoge pa parti nan examen debi na tijdvak, pues tin tijdvak 1, 2, y 3.

   Tin algun alumno cu a haci uso di e partimento, pero toch tin algun cu a haci tur nan examen den e prome tijdvak.  Tin vak manera Economia cu a wordo reparti, y algun otro vak tambe.

   Segun De Cuba, esey ta e motibo pakico riba Diahuebs no por a duna un resultado concreto.  Tin di warda te ora cu Tijdvak 2 pasa, pa asina duna un bista mas concreto di kico e resultado ta pa Maria College MAVO.

   Pa e Tijdvak 1, toch por bisa cu e ta mustra positivo, pero toch tin di warda e Tijdvak 2 pa asina tin un mihor indicacion.