Cantidad di personanan interna ta bahando
ORANJESTAD (AAN): Crisis Team a indica diaranson cu 15 persona a recupera, mientras cu a registra un total di 17 caso nobo di Covid-19, di cual 3 ta no-residente.
E cantidad total di testnan ehecuta diamars na e diferente localidadnan na Aruba, entre otro laboratorio di hospital, laboratorionan priva y aeropuerto ta 469 test.
'Positivity rate' entre residentenan ta 14 %.
Casonan activo ta 139 (109 residente). E cantidad di fayecido relaciona cu Covid-19 ta 100.
Hospital a informa cu tin un total di 18 persona interna di cual 5 ta den Cuido Intensivo y 13 riba unidad general di Covid.
