Algun hende ricibiendo mensahe di scam...
ORANJESTAD (AAN): Siman a habri cu e anuncio importante manda pa comunidad, pa tene cuidao cu mensahenan fraudulento cu bo ta ricibi via SMS riba bo smartphone of celular regular.
NV Elmar a adverti cu varios persona local ta ricibiendo un mensahe via texto (SMS) supuestamente manda door di Elmar.
E mensahe via texto (SMS) aki ta raportando falsamente cu e suministro di coriente lo wordo desconecta si bo no paga dentro di un periodo di 2 dia.
NV Elmar a declara cu hamas nan ta usando servicio di SMS pa contact ni informa clientenan tocante cu ta kita suministro di coriente pa motibo di falta di pago. Elmar tampoco lo no manda peticion pa haci pago, cu no ta conforme cu nan metodonan usual di pago.
Corda bon, cu awendia ta facil pa delincuentenan usa software pa “spoof” e number of nomber cu ta aparece riba e SMS cu ta wordo manda. Pues bo por haya e SMS cu nomber di Elmar of number di nan, siendo cu esey no ta e caso. Nan a djis ‘spoof’ e number.
