Directora di Departamento di Impuesto:
ORANJESTAD (AAN): BBO ta un sistema acumulativo, cu tambe ta trece inflacion cu ne, pero den opinion di directora di Departamento di Impuesto, Luanne Gomes-Pietersz, mester ta na altura cu BBO ta 'aftrekbaar' (deducibel).
El a splica cu comercio no mester lubida cu BBO ta 'aftrekbaar' di bo 'winstbelasting'. "Bo ta pasa e rekening pa e consumidor. Bo ta hacie 7.52, pero den mesun rosea bo por trek'e af. Pa e comerciante, pero no pa e consumidor", a splica.
El a agrega cu e ta un 'commerciele afweging' cu comercio ta haci pa cobra 7.52. E no ta basa ariba ley, cu e ley ta bisa cu tin cu cobra e consumidor 7.52 porciento.
E mesun discusion aki tabata tin cu e 6 porciento. Si tabata 6,36 of 6.38 porciento. Comercio ta liber pa determina su prijs. Pero locual comercio no mester lubida ta cu esaki ta 'aftrekbaar'. Di un banda e prijsnan ta wordo subi pa e consumidornan. Di un otro banda tin un deduccion pa comercio, a bisa.
