ORANJESTAD (AAN): E ta algo valioso y ta costa hopi placa pa produci awa di bebe.
Y pesey mes pa varios decada caba, e compania WEB Aruba NV ta hiba e filosofia cu si acaso tin un problema, un fayo, algo ta bayendo malo, of un leak a presenta inespera... mesora nan team ta drenta den accion pa troubleshoot e problema y busca solucion pe.
Esey ta loke a socede siman pasa tambe na Santa Cruz, unda mesora personal di WEB Aruba NV a bay pa trata di analisa y drecha un dificulta cu a presenta net na e cruzada cu ta bay Papilon, na altura di e Burger King nobo.
Pa e motibo ey nan a haya nan ta cera e caminda parcialmente pa haci e trabao, y cu jackhammer y hopi shovel a yega pa drecha tur cos.
Pesey mes, si acaso bo mira un tubo ta leak den cualkier bario of banda di caminda, por yama WEB Aruba NV mesora pa nan bin fix esey.
