Colegio Hilario Angela tambe a haya su hardin di alimentacion

ORANJESTAD (AAN): E proyectonan di Agroforesteria a sigui riba Diasabra cu a pasa, y e biaha aki ta Colegio Hilario Angela na Weg Fontein tabata na turno.

   Na e parti mas patras di e cura di scol, cu yudansa di Living Soil Aruba, Santa Rosa, Docente- y Mayornan, y e alumnonan di e Scol Basico aki a yuda planta varios mata.  E adultonan a traha prome pa asina prepara e pida tereno.

   Despues a planta e.o. mata di lamunchi, mata di comcomber, mata di yuca, papaya, y tambe palo di coco.

   Santa Rosa aki a yuda e.o. cu e plantanan, y tambe docentenan a bin cu matanan.  Di e forma aki ta sigui stimula muchanan di awor caba pa nan mira e importancia di e sector primario aki, y con nan cuido y vigilancia lo yuda produci na forma facil tanto berdura como fruta.  Y esaki ta algo positivo den e epoca nobo aki cu e isla ta bibando.  E potretnan aki ta pa cortesia di Living Soil Aruba.