Colegio Arubano a honra e mihor alumnonan di 2ndo Periodo di Examen

ORANJESTAD (AAN): Recientemente tabatin loke ta ser yama e “School Examen 2”,

cu ta e di dos periodo di examen pa e candidatonan di examen di HAVO 5 y tambe VWO 6 na e scol di educacion avanza.

   Ya caba a resultado di e di 2ndo periodo a bira conoci, y a base di esaki, Rectorado di Colegio a dicidi na honra cada uno cu a sobresali den nan vak pa e Examennan cu ya a tuma lugar.

   Cu e honor y regalo aki, Colegio Arubano ta reconoce cu un esfuerso grandi ta mas efectivo compara cu uno caminda a priminti di lo haya e cifra di mas halto.  Aprecio semper ta un mihor motivador pa e alumno por sigui haci su best.

   Dialuna mainta durante pauze, a haci e honor y anuncia nan nomber den Hal di Colegio Arubano na Vondellaan, e alumnonan aki ta sinti cu nan a haci un bon trabao, y sigur nan por celebra esaki con cu nan kier.

   En total a honra 36 examen-kandidaat di HAVO.  En total a honra 28 examen-kandidaat di VWO.  Pero den VWO, tin algun alumno cu a sali “de beste” den 4 vak, otro den 3 vak, y algun den 2 vak.  Por menciona aki algun di nan di VWO cu a haya doble regalo:

(*) Samuel Tromp a haya cifra 9.6 pa Wiskunde B, cifra 9.0 pa Wiskunde B, cifra 9.3 pa Natuurkunde, cifra 8,2 pa Frans (sch).

(*) Matias Tavares Roberto a haya cifra 10,0 pa Spaans (klv), cifra 8,7 pa Scheikunde, cifra 8,3 pa Economie.

(*) Devon Hoftijzer a haya cifra 8,2 pa Informatica y cifra 8,5 pa Wiskunde A.

(*) Samuel Desir a haya 8,7 pa Bedrijfseconomie.  El a haya cifra 7,3 pa Frans (klv).

(*) Amber Ras a haya cifra 10,0 pa Spaans (klv), y cifra 7,9 pa Papiamento (lit).

   Pa seccion di HAVO, esnan cu a haya cifra riba di 9 ta: Hao Yih Wu cu 9,5 pa Scheikunde, Ariadna Contreras Ortega cu 9,3 pa Geschiedenis, Jr. Rabago cu 9,3 pa Natuurkunde, Jeanuar Rafael cu 9,3 pa Wiskunde-A, srta. Flores cu 9,2 pa Biologie (p), Nova Staring cu 9,2 pa Biologie (p), Gillianne Christiaans cu 9,0 pa Papiamento (sch), y Yamila Cicilia cu 9,0 pa Papiamento (sch).

   Ainda tin e Examen Final na caminda, pues sigui haci boso best.  Na final a saca un potret hunto di tur esnan cu a haya reconocemento.