CITES Caribbean Committee di bishita na Aruba

ORANJESTAD (AAN): Recientemente Aruba Conservation Foundation tabatin e placer di por a duna bon bini na e CITES Caribbean Committee

cu un bishita na area protegi y area designa como RAMSAR gebied, Spaans Lagoen.

   Hunto cu e committee, e team di conservacion di ACF a explora e proyecto di restauracion di mangel, restauracion di coral, trabaonan pa proteha e Shoco, e reintroduccion di e Lora y mucho mas.

   E programa di reintroduccion di e Lora back den Aruba su naturalesa particularmente no lo por a bira realidad sin e sosten di CITES cu a haci e bishita akinan extra special.

   Despues di a pasa e mainta den naturalesa, e team a worde invita pa duna un presentacion pa asina comparti mas di e diferente otro proyectonan cu nos ta trahando riba dje.

   Esnan di Aruba Conservation Foundation ta hopi agradecido pa e oportunidad di por a comparti nan trabao y pone enfasis riba e rol importante cu CITES ta hunga den proteha Aruba su biodiversidad.