Chubato Beer World Aruba ta anuncia exposicion di auto na Plaza Habibe

Diasabra 18 di Maart, Dia di Himno y Bandera:

ORANJESTAD (AAN) –  Frank Thielman, Propietario di Chubato Beer World Aruba, a yama un conferencia di prensa, den cual el a anuncia un evento grandi, cu lo tuma lugar Diasabra 18 di Maart awo, Dia di Himno y Bandera.

Ta trata aki di un show di auto cu ta cuminza 11’or di mainta te 4’or di atardi, riba Plaza Miki Habibe, unda tin hopi espacio pa autonan para y por expone nan.

Thielman a bisa cu e evento aki ta habri pa tur persona cu tin un auto cu nan kier show. E por ta un club, un grupo, hende individual cu tin un auto bunita cu nan kier mustra. E por ta un auto clasico, of otro auto special, etc. Pa e dia aki tin varios club invita, y uno special ta Aruba Classic Car Club.