Jonathan Trinidad di U.A:
*Tema pa 2023: “Diversity”
ORANJESTAD (AAN) — Diamars otro siman, ta wordo celebra e Dia Internacional di Trahado Social. E Trahador Social Jonathan G. Trinidad, di Universidad di Aruba (U.A), a duna di conoce cu nan concentracion durante henter e luna aki ta, no solamente pa promove e trabao social na Aruba, pero vooral den e curriculum di e programa cu ta wordo ofreci na U.A.
No solamente ta pa gradici e trahadornan social pa tur nan input y colaboracion, cu tin cu Universidad, pero mas cu claro tambe cu e otro NGO’s.
El a agrega cu no solamente ta bay concentra riba e tema, pasobra tur aña tin un topico, cual e aña aki ta “Diversity” (Diversidad), y e ora ey nan ta purba di implementa diferente les cu ta wordo duna, e tema menciona. Nan ta papia di dje, ta haci diferente combersacion y asina aki tambe lo tin otro eventonan chikito cu lo tuma lugar na Universidad, pa promove e tema entre e studiantenan na Universidad di Aruba.
Jonathan Trinidad ta comparti cu DIARIO, kico a stimula su persona pa studia e carera di Trahador Social. Locual a stimul’e for di comienzo ta su amor y pasion pa traha pa comunidad como profesional y awendia. E ta bin di e veld di Trahado Social den cual el a traha pa algun aña semper tabata tin e inspiracion di por aporta positivamente na comunidad; den ki sentido di palabra? Den tur area, pero basicamente den tereno di problematica social y tambe con pa duna un aporte pa eleva mucha y hoben y tambe adulto, den diferente area di concentracion.
P’e tabata mas tanto un inspiracion for di chikito pa duna bek mes tanto cu e ta haya, y den su caso el a scoge pa e carera aki desde jong, y asina aki concentra su mes pa duna bek den e area.
