Trahado Social Yvonne Bermudez ta informa:
ORANJESTAD (AAN) – Trahado Social Yvonne Bermudez, a duna di conoce cu e Centro pa Hoben y Famia, for di entrante awe 21 di Maart, ta localizable na Belgiestraat 2, cu ta e edificio di FCCA na unda cu Departamento di Asunto Social ta actualmente.
Por comunica cu e Centro via email of via telefon di DAS. E instancianan lo ta ubica eynan pa e siguiente temporada ta e team di Departamento di Asunto Social, Tienda di Educacion via 161 pa mayornan, unda mayornan por yama of bay personalmente puntra pa un trahado social pa haya servicio.
E demas instancianan cu ta traha hunto cu Centro pa Hoben y Famia ta keda den nan edificio actual, y Plan di Mayor lo anuncia pronto na unda nan lo ta localizable.
Pues, Centro pa Hoben y Famia no ta mas na wayaca, y personanan cu mester di informacion por contacta nan via nan facebook page, cu lo ta activo y nan lo purba contesta tur yamada na tur su partnernan. Tambe na mayornan cu kier haci un pregunta of pidi un cita, y cualkier organizacion cu ta dentro di Centro pa Hoben y Famia por haya nan na Departamento di Asunto Social na Belgiestraat 2.
Yvonne Bermudez ta invita pueblo di Aruba pa sigui wak e facebook pages di diferente Centro di Bario, ya cu nan ta bayendo hopi outreach actualmente, y nan ta bezig cu diferente scol y Centro di Bario cu ta colaborando cu Centro pa Hoben y Famia, pa nan por ofrece diferente tayer di trabao pa pareha, mayornan, mucha y hoben.
