Lucia Hoek, coordinador di Actividadnan ta relata:
“Hasta a lanta nan grupo “Kibrahacha Boys”
ORANJESTAD (AAN)-- Señora Lucia Hoek, Coordinador di Actividadnan di Centro Kibrahacha, den entrevista cu Matutino DIARIO a indica cu nan ta “full swing” organizando actividadnan pa cera aña 2025.
“Nos tin e ultimo luna di aña cu nos ta basta druk, nos mes ta hinca actividadnan extra y esey ta bayendo hopi bon, e aña aki hasta nos a cera hayaca, den un grupo chikito, den cual cada hende a traha nan hayacanan y esey a bay hopi bon mes.
Asina mes nos ta bay cu hopi actividad extra, nos tabata tin un bingo, pero e ‘best code’ tabata pijama di Pasco. Tur hende a bin bisti na pijama di Pasco cu ta algo diferente, parti atardi., di 5’or y mey pa 7’or y mey, acompaña pa algun snacks.
E tabata un hopi dushi ambiente tambe”, Lucia Hoek a relata.
El a agrega cu nan a lanta un grupo nobo cu yama “Kibrahacha Boys” integra pa miembronan di Kibrahacha, y cada un a bin cu instrumentnan for di cas, y a forma un banda cu a bira un exito rotundo y awe, Diaranson, nan lo wordo batiza y haya nan t-shirt. “Como meta nos tin bay na diferente cas di cuido di adulto mayor, pa nos grupo canta pa nan”, Lucia Hoek a relata.
El a expresa cu e grupo aki ta trece alegria pa e club. Nan ta bin dos biaha pa siman den e Centro Kibrahacha, y tur hende ta goza nan, masha hopi mes.
