Caya di Mountscenerystraat a haya capa nobo di asfalt

ORANJESTAD (AAN): E trabao di Departamento di Infra & Verkeer di DOW, a keda cla cu trabao di renoba capa di asfalt.

   Siman pasa nan a traha, y a finalisa cu e trabaonan di asfaltamento na Mountscenerystraat na San Nicolas.  Nan a basha asfalt for di Cas #1 ta cu Cas #41.

   DOW a splica, cu e trabaonan di preparacion a encera 4 dia di ‘frees’ e asfalt bieu, y despues di prepara e superficie, a sigui cu 2 dia di pone capa nobo di asfalt.  Nan ta gradici habitantenan pa e comprension pa e estorbo durante e trabao.