BOGOTA: Despues cu Ministerio Publico a duna ordo pa su detencion, autoridad a pone man riba un ex-agente policial Wilmer A. Alarcón Vargas,
cu e meta cu den dianan venidero e ta bay wordo cera den prison La Picota, pa cumpli su castigo di 37 aña di prison pa morto di e hoben cu tabata pinta graffiti, esta Diego Felipe Becerra, cual a socede na aña 2011.
Pa cinco aña largo, e ex-Polis aki a huy di Husticia. Pero Diadomingo el a wordo gara na departamento di Casanare.
E hoben Diego Felipe Becerra di 16 aña a wordo mata cu un arma di candela durante un proceso policial dia 16 di Augustus 2011 na e brug di Calle 116 cu Avenida Boyacá, na parti noordwest di e capital Colombiano.
Famia di e victima, ora cu nan a haya sa di e detencion di e ex-Polis, a pidi proteccion pa e agente, pasobra kizas e por involucra algun coronel y general policial den e crimen cometi contra e hoben. A ser bisa cu tin 3 coronel involucra den e matamento di e artista di graffiti aki.
