ORANJESTAD (AAN): E ta un mensahe cla y raspa di Dienst Ouderenzorg! Nan ta splica cu lo keda informa pueblo riba maneho y protocolnan vigente en conexion cu covid-19.
DIARIO a aya sa cu recientemente Dienst Ouderenzorg a manda carta pa tur gerente di casnan di cuido pa reinforsa e protocolnan di Covid-19 y higiena.
Tambe a haci peticion na gerente pa yuda regla e vacunacion contra Covid-19 pa tur nan habitantenan y trahadornan cu ainda no a worde vacuna. Como seccion encarga cu cuido di nos grandinan, nos kier encurasha famianan di persona cu dementia pa porfabor laga vacuna nan grandinan.
Comunidad por a tuma nota cu e biaha aki ora cu casonan a subi, Directie Volksgezondheid no a impone ciere ariba casnan di cuido. Esaki pasobra nos di Dienst Ouderenzorg tin pleno confianza den e protocolnan vigente y tambe den e vacuna.
Actualmente mas cu 80% di habitantenan den casnan di cuido y como tambe trahadornan ta vacuna. Esaki sigur ta positivo y asina ta reduci e riesgo di morto. Aun asina ta pidi cada gerente di cas di cuido pa no laga trahadornan bin traha malo cu sintoma pero laga nan haci test prome cu nan presenta na pia di trabao.
Un bes mas Dienst Ouderenzorg ta urgi tur cas di cuido pa mantene nan mes na un forma estricto na protocolnan, maneho di bishita, higiena y maneho di Covid-19.
Si tin cualkier pregunta tocante protocol y manehonan vigente en conexion cu Covid-19 na casnan di cuido por tuma contacto cu nan na 522-4345 of via email cu ta عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
