ORANJESTAD (AAN): Cas di Cultura su incubador di talento INCBTR ta presente diabierna 17 di september pa 7PM su Showcase Hubenil,
estrenando e gruponan Muchanan Sabi, Harmonix, Creative Arts Aruba y alumnonan creativo di Andreea Kock, den e ramonan di canto, baile, actuacion, filmacion y arte visual.
Publico por spera di mira mucha y hoben den accion demostrando nan talentonan y tambe e proceso cu nan a pasa aden pa siña locual nan awe nan ta demostra. Lidernan di e gruponan menciona ta Edselyn Figaroa, Reno Steba, Charles Croes, Gloria Bryce, Daylan Krozendijk y Andreea Kock.
Sea bon bini y disfruta di muchanan talentoso di Aruba.
