ORANJESTAD (AAN): Diahuebs mainta Minister di Cultura Sra. Xiomara Maduro a ricibi Sra. Carlisa Trinidad kende dia 1 di september a cumpli 25 aña trahando na Monumentenbureau.
Carlisa ta di dos empleado cu a cuminsa na Monumentenbureau cu tambe a cumpli 25 aniversario na comienso di e aña aki. Den presencia di mayornan di Carlisa Trinidad y sra. Yvonne Webb, directora di Monumentenbureau, Minister Xiomara Maduro den nomber di Gobierno di Aruba a entrega na Lisa, e Decreto Gubernamental y un recuerdo pa conmemora e aniversario importante aki.
